Кыргыз-өзбек президенттери экинчи ирет жолукту

Президент Алмазбек Атамбаев баштаган кыргызстандык делегацияны Ташкент аэропортунан өзбек президенти Шавкат Мирзиёев тосуп алды. Андан кийин президент Алмазбек Атамбаев Ташкенттеги "Эгемендик жана гуманизм" монументине гүл койду. Эки өлкө президенттеринин тар жана кеңири курамдагы кыргыз-өзбек мамилелеринин актуалдуу маселелери боюнча сүйлөшүүсүнөн кийин Кыргызстан менен Өзбекстандын ортосундагы ар кайсы тармакта кызматташтык боюнча он эки келишимге кол коюлду.