Линктер

ЧУКУЛ КАБАР!
29-Октябрь, 2021 жума, Бишкек убактысы 00:17

Киевде оппозициянын ири акциясы өтүүдө


Өкмөттүк кеңселер жайгашкан кварталды жана Жогорку Раданын имаратын тартип коргоочулар кайтарып турушат.

Киевде Одесса облусунун мурдагы губернатору Михаил Саакашвили жана бир катар оппозициялык партиялар уюштурган акцияга миңдеген киши катышууда. Демонстранттар антикоррупциялык сот түзүүнү, депутаттык кол тийбестикти алып салууну, шайлоо мыйзамдарын кайра карап чыгууну талап кылып жатышат. Акцияга катышкан парламент депутаттары козголгон маселелерди бүгүнкү жыйындын күн тартибине киргизишерин билдиришти. Өкмөттүк кеңселер жайгашкан кварталды жана Жогорку Раданын имаратын тартип коргоочулар кайтарып турушат.

16-октябрда Украинанын коопсуздук мекемеси акция учурунда "куралдуу чагымдар" болушу мүмкүн деп эскертүү менен Революциялык оңчул күчтөр деген топтун мурдагы эки мүчөсү курал-жарак, ракета атуучу жабдууларды сатып алуу аракетин көрүшкөнүн билдирген.

Грузиянын экс-президенти Саакашвили эки өлкөнүн тең жарандыгынан ажыратылган.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG