Бишкектеги эт комбинатында өрт чыкты

Бишкектеги Москва жана Фучик көчөлөрүнүн кесилишинде жайгашкан мурдагы эт комбинатында өрт чыкты. Өрт өчүргүчтөр таңкы саат 04:53тө келген. Учурда ал жерде беш бригада иштеп жатат. Тилсиз жоо болжол менен имараттын 5 миң чарчы метрин каптаган. Алдын ала маалыматка ылайык өрт электр жабдыктарды туура эмес пайдалангандан улам чыккан. ӨКМдин өкүлү билдиргендей, имаратта эт комбинатынын муздаткычтары гана болгон. Өрттөн жабыркагандар жок.