Маданият, маалымат жана туризм министри Султан Жумагулов 8-октябрга караган түнү 59 жашында дүйнөдөн кайтты. Ал акыркы убакта онкологиялык дарттан жабыркап жүргөн. Султан Жумагулов Нарын облусунун Ат-Башы районунда туулган. Кыргыз мамлекеттик университетин журналистика адистиги боюнча бүтүргөн. Эмгек жолун республикалык басылмаларда баштап, кийин ВВСде, "Азаттыкта", ЭлТРде, КТРКда жетекчилик кызматтарда эмгектенген.