Линктер

бейшемби, 15-ноябрь, 2018 Бишкек убактысы 22:36

"Microsoft" компаниясын негиздөөчүлөрдүн бири Пол Аллен көз жумду


Пол Аллен жана Билл Гейтс.

Билл Гейтс менен бирге "Microsoft" компаниясын негиздеген Пол Аллен 65 жашында дүйнөдөн кайтты. Үй-бүлөсү ал онкологиялык оорусу күчөгөндөн улам көз жумганын билдирди.

Аллен окуучулук кезден берки досу Гейтсти 1975-жылы IT тармагында революция жасаган компанияны ачууга көндүргөн. Алар сунуш кылган операциондук система компьютерди карапайым элдин жапырт колдонуусуна жол ачкан.

Аллен 1983-жылы компаниядан кеткен, бирок үлүшүн сактап калган. "Microsoft" акциялары кымбаттагандан кийин миллиардерге айланган. Жасалма интеллект, биоилим жана космос кемесин куруу тармактарына инвестиция салган.

Ондогон миллион долларын кайрымдуулукка короткон. 2010-жылы өлгөндөн кийин кирешесинин ири бөлүгүн кайрымдуулукка жумшоого убада берген. Аллен "Форбс" журналынын быйылкы рейтингинде 21,7 млрд. доллары менен 44-орунду ээлеген.

“Пол чыныгы өнөктөш жана башкача дос эле. Ансыз персоналдык компьютер дүйнөсү жаралмак эмес” деп эскерди Билл Гейтс.

XS
SM
MD
LG