Бишкекте хор дирижеру, педагог, Кыргыз ССРнин эл артисти Султан Юсуповдун 100 жылдыгына карата эскерүү концерти болот.
Маданият, маалымат жана туризм министрлиги кабарлагандай 23-24-ноябрдагы концерт Юсуповдун эмгектеринин негизинде сахналаштырылат. Аны Кыргыз улуттук академиялык театры өткөрөт.
Султан Юсупов - кыргыз театрынын өнүгүүсүнө үлкөн салым кошкон маданият ишмери. Ал "Айчүрөк", "Манас" жана башка ондогон опералардын хорлорун даярдаган. Кыргыз мамлекеттик искусство институтунда, Кыз-келиндердин педагогикалык институтунда иштеген.
