Каракол шаарындагы "Ак-Тилек" базарында 7-декабрь кечинде чыккан өрттүн чыгымдары эсептелүүдө. Бул тууралуу “Азаттыкка” Каракол шаардык өзгөчө кырдаалдар бөлүмүнүн башчысы Адис Кыдыкбаев билдирди. Анын айтымында, тилсиз жоодон базардагы беш соода контейнери күйүп кеткен. Анда сатыкка чыкчу кийим-кечектер болгон. Учурда өрттүн чыгуу себеби жана материалдык чыгымдар эсептелип жатат.
“Ак-Тилек” базарында быйыл күзүндө да өрт чыгып, бир нече контейнер күйүп кеткен.(AsM)
