Францияда аялдар арасында футбол боюнча дүйнөлүк чемпионат башталды. 7-июнда старт алган беттештер 7-июлга чейин уланат.
Таймашка 179 өлкөнүн командалары ат салышып, негизги оюнга 24ү иргелип чыккан.
Төрт жыл мурда чемпиондукту АКШнын курама командасы жеңип алган.
"БУУ-аялдар" уюму FIFA менен алгач ирет кызматташуу меморандумуна жетишти.
Ага 7-июнда дүйнөлүк футбол федерациясынын президенти Жанни Инфантино менен БУУнун аялдардын укугу жана мүмкүнчүлүгү, гендерлик теңчилик боюнча уюмунун (БУУ-аялдар) аткаруучу директору Фумзиле Мламбо Нгкука кол коюшту.
Мындан ары FIFA менен "БУУ-аялдар" уюму эл аралык уюмдардын, мамлекеттик органдардын жана жеке сектордун жардамы менен кыз-келиндер спортун өнүктүрүү жаатында иштерди кеңейтет. (SA)
