Линктер

ЧУКУЛ КАБАР!
ишемби, 7-декабрь, 2019 Бишкек убактысы 21:18

Гитлер туулган үйгө полиция башкармалыгы жайгашат


Австрия. Философ Людвиг Витгенштейн жана Адольф Гитлер бир мектепте окушкан. 1899-жыл.

Австриянын ички иштер министрлиги Браунау-на-Инне шаарындагы Адольф Гитлер туулган үйгө аймактык полиция башкармалыгы жайгашарын маалымдады. Буга Гитлердин үйүнө улутчулдар дайыма топтолуп, зыярат кылып туруучу жерге айландырып алышканы себеп болгон. Ички иштер министри Вольфганг Песчорндун билдиргени боюнча, «үйгө полиция жайгашып турганы бул имарат эч качан улутчул социализмге кызмат кылбасын билдирип турат».

Жергиликтүү DPA агенттигинин маалыматына караганда, имаратка оңчул экстремисттер сүрөттөрүн чаптап салышкан.

Адольф Гитлер 1889-жылы Австриянын Германия менен чектешкен жерде батирде туулган. Имаратты улутчулдар бийликке келгенде сатып алышкан. Экинчи дүйнөлүк согуш учурунда үй Гитлер баш болгон улутчулдар үчүн көркөм галерея жана китепкана катары кызмат кылган. Согуштан кийин үй мурунку ээсине кайтарылган. Кийинчерээк имаратка банк жайгашып, көп өтпөй мектепке айланган. 1970-жылдары Австрия өкмөтү үйдү сатып алып, өзгөчө адамдар үчүн атайын борбор кылып пайдаланган.

Пикирлерди көрүңүз

XS
SM
MD
LG