Линктер

ЧУКУЛ КАБАР!
19-Январь, 2021 шейшемби, Бишкек убактысы 04:57

Спортчулар бюджеттин кыскарышына нааразы


Иллюстрациялык сүрөт.

Коронавирус пандемиясына байланыштуу мамлекеттик бюджеттин чыгашасын кыскартууда Жаштар иштери, дене тарбия жана спорт агенттигинин бюджети дээрлик 70 пайызга азайтылганы айрым спортчулардын нааразылыгын жаратты.

Жаштар иштери, дене тарбия жана спорт агенттигинин директору Канат Аманкулов бул улуттук командалардын машыгууларына гана эмес, жаштар менен иштөөгө да кедергисин тийгизет деп эсептейт:

“Биздин бюджеттин 50 пайызы айлык менен социалдык төлөмдөр. Калганы спорттук мелдештерге сарпталат. Эң негизгиси - спортчулардын машыгуулары, алардын эл аралык мелдештерге катышуусу үчүн жумшалуучу акча, тамак-ашы жана дары-дармеги. Ошолордун баары биригип 45 пайызды түзөт. Азыр анын 25 пайызы гана калтырылды. Мурдагы бюджетте 400 милион сомдон ашык каражат бөлүнгөн болсо, азыр анын 311 миллион сому кыскартылды. Кырдаалды биз да түшүнүп турабыз, кыскартсын, бирок 75% эмес, жок дегенде 50% пайызы кесилсе жакшы болмок", - деди Канат Аманкулов.

14-майда Жогорку Кеңештин отурумунда финансы министри Бактыгүл Жээнбаева бюджеттин чыгашасы көбүнчө маданият, спорт тармагындагы иш-чаралардын өтпөй калганына байланыштуу кыскартылганын билдирген. Коронавирус пандемиясынан улам түзүлгөн өзгөчө кырдаал шартында быйыл мамлекеттик бюджетке 30,8 млрд. сом түшпөй калары кабарланган. Өкмөт бул кенемтени толтуруш үчүн бюджеттин чыгаша бөлүгүн 10,3 млрд. сомго азайтууну көздөөдө.(GT)

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG