Кыргызстанда кайрадан премьер-министр алмашты. Акыркы жылдары салыштырмалуу узагыраак иштеген Мухаммедкалый Абылгазиев радио жыштык жаңжалынан улам отставкага кетти. Анын ордуна парламенттеги коалиция Кубатбек Бороновду сунуштап, парламент аны колдоду. Пандемиялык шартта экономикасы оор кырдаалга кептелген Кыргызстанда премьер-министрдин алмашуусунан эмне өзгөрөт? Кубатбек Боронов кандай өкмөт башчы болот? Талкууга Жогорку Кеңештин депутаттары Акылбек Жапаров, Жанар Акаев, мурдагы депутат Бектур Асанов, Борбор Азиядагы коррупция маселелерин изилдөө институтунун директору Эркайым Мамбеталиева катышты.