Линктер

ЧУКУЛ КАБАР!
1-октябрь, 2020 бейшемби, Бишкек убактысы 18:55

Министрлик: Кыргызстанда дарыгерлердин жарымы гана иштеп жатат


Кыргызстандык дарыгерлер пандемиядагы иш учурунда. Бишкек шаары. Июль, 2020-жыл.

Кыргызстанда дарыгерлердин 50% гана иштеп жатканын 7-августтагы брифингде Саламаттык сактоо министрлигинин өкүлү Айгүл Бообекова билдирди.

Анын айтымында, быйылкы жылдын башына карата дарыгерлердин жалпы саны 13790 адамды түзгөн. Азыр анын 53% гана иштеп жатат. 33518 орто медперсоналдын 50%, 12508 кенже кызматкерлердин 46% гана иштейт.

Саламаттык сактоо министрлигинин электрондук борборунун статистикасы боюнча учурда 7326 дарыгер бар, орто медперсонал 16407 адамды, кенже медперсонал 5771 адамды түзөт.

«Алардын ичинде тобокел тобундагылар 10-14%. Убактылуу жумушка жарактуу болбогондор 10-12% . Акы төлөнбөгөн өргүүдө, эмгек өргүүсүндө, бала багуу үчүн өргүүдө жүргөндөр бар», - деди Бообекова.

Коронавирус эпидемиясы башталган март айынан бери Кыргызстанда көптөгөн ооруканаларда дары-дармек, медицина кызматкерлери, алардын коргонуучу кийимдери, бейтаптар үчүн орундар жетишсиз экени жана саламаттык сактоо тармагындагы бир катар кыйынчылыктар ачыкка чыкты.

Саламаттык сактоо министрлиги кадр жетишсиздигин чечиш үчүн Кыргыз мамлекеттик медициналык академиясынын ординатурасын аяктаган 169 адис аймактарга, Бишкек медициналык коллежинин 70 бүтүрүүчүсү баш калаадагы саламаттык сактоо мекемелеринде иштөөгө бөлүнгөнүн кабарлады. (NT)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG