Линктер

ЧУКУЛ КАБАР!
30-сентябрь, 2020 шаршемби, Бишкек убактысы 12:57

Бердалиев: Балыкчы-Корумду жолунун 70% бүтүп калды


Балыкчы-Корумду жолу. 2017-жыл.

Транспорт жана жолдор министринин орун басары Бакыт Бердалиев 10-августтагы брифингде Кыргызстандагы чуулгандуу жол курулуштары тууралуу маалымат берди. Анын билдирүүсүнө караганда, бир канча жылдан бери курулуп бүтпөй келаткан Балыкчы-Корумду жолунун курулушунун 70% аяктап калды.

Жол салып жаткан кытайлык «Лоң Хай» компаниясы жумушчулардын айлык акысын төлөп берүүгө убада берди. Бердалиев пандемияга байланыштуу компаниянын өкүлдөрү Кытайдан келе элек экенин кошумчалады.

2015-жылы башталган бул жол - өлкө өз бюджетинен каржылап жаткан алгачкы ири долбоор. Аны кытайлык «Лоң Хай» компаниясы куруп жатат.

Буга чейин жалпы узундугу 104 чакырымды түзгөн жолду оңдоого жетиштүү каражат бөлүнбөй, бир топ чыр чыккан. Маселени парламентте түзүлгөн депутаттык комиссия да иликтеп, жол чырынан улам мурдагы премьер-министр Темир Сариев өз каалоосу менен кызматтан кеткен.

Балыкчы-Корумду жолунун курулушчулары буга чейин өз убагында маяна берилбей жатат деп тынымсыз нааразылык билдирип, бир нече жолу иш ташташкан.

Өкмөт былтыр Балыкчы-Корумду жолун реконструкциялоо иши 2020-жылы аяктай турганын билдирген. (NT)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG