Линктер

ЧУКУЛ КАБАР!
2-октябрь, 2020 жума, Бишкек убактысы 04:01

Финпол: Бишкекте тигүү цехи катары иштеген майнинг-ферма табылды


Бир биткоин.

Экономикалык кылмыштарга каршы күрөш боюнча мамлекеттик кызмат (Финансы полициясы) 11-августта Бишкектеги тигүү цехтеринин биринде мыйзамсыз иштеген майнинг-ферма табылганын билдирди.

Маалыматка караганда, «Түндүкэлектр» ишканасы Баялинов көчөсүндө жайгашкан тигүү цехинин ишин текшерүүнү өтүнүп кайрылган.

Текшерүү учурунда тигүү цехи катары майнинг-ферма иштеп жатканы аныкталган. Имаратта 187 майнинг-система (криптовалюта жана биткоин чыгарган компьютердик жабдуулар) табылган.

Факт Кылмыштар менен жоруктардын бирдиктүү реестрине катталган. Жазык кодексинин 211-беренеси («Мыйзамсыз ишкердик жана банк ишмердүүлүгү») менен сотко чейинки териштирүү иштери башталды.

Финпол өткөн аптада «Бишкек» эркин экономикалык аймагынын ичинде мыйзамсыз майнинг-ферма аныкталганын кабарлаган.

«Бишкек» эркин экономикалык аймагы Финполдун маалыматын четке каккан, майнинг-ферма деген «Блокчейн технологиялары» жоопкерчилиги чектелген коому имаратты ижарага алуу, коммуналдык төлөмдөр, анын ичинде электр энергиясы үчүн тиешелүү мекемелер менен келишим түзгөнүн билдирген.

«Түндүкэлектр» ишканасы «Бишкек» эркин экономикалык аймагы электрди майнинг иши үчүн колдонуу боюнча келишим түзбөгөнүн маалымдаган.

«Улуттук энергохолдингдин» маалыматына ылайык, 2019-жылы Кыргызстанда 136 МВт (1 млн. кВт) электр энергияны пайдаланган 40тан ашык майнинг-компания жабылган.

Адатта, майнинг-фермаларда электр энергиясы өтө көп колдонулат. (NT)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG