Линктер

ЧУКУЛ КАБАР!
3-декабрь, 2020 бейшемби, Бишкек убактысы 14:08

19-августта үч партия жыйын өткөрөт


Кыргызстандын желеги. Бул сүрөттүн кабарда аты аталган партияларга тиешеси жок.

19-августта үч партия жыйын өткөрүп, Жогорку Кеңешке шайлоого катышуу багытындагы программаларын жана талапкерлерин талкуулайт. Алар: «Реформа», «Кыргызстан» жана «Мекеним Кыргызстан» партиялары.

Конституциялык палатанын мурдагы судьясы Клара Сооронкулова жетектеген «Реформа» партиясы 2020-жылдын жай айларында негизделип, күздөгү парламенттик шайлоого катышарын жарыялашкан. Курамында өлкөдөгү коррупцияга каршылык көрсөтүп келаткан #RЕакция кыймылынын мүчөлөрү, жарандык активисттер бар. Шайлоого катышуу үчүн беш миллион сомдук күрөөнү да партияга активисттер чогултуп атышат.

«Мекеним Кыргызстан» партиясы 2015-жылы түзүлгөн. Аны парламенттик шайлоого Жогорку Кеңештеги «Өнүгүү-Прогресс» фракциясынын депутаты Мирлан Бакиров жетектеп баратат.

«Кыргызстан» саясий партиясы 2010-жылы түзүлгөн. Төрагасы - Канатбек Исаев.

Жогорку Кеңешке шайлоо 4-октябрга белгиленген. Ат салышарын алгач 44 партия билдирип, төртөө ар кандай себептерден улам жарыштан чыккан.

Партиялар 20-августтан кечикпей жыйын өткөрүп, талапкерлердин тизмесин 25-августтан калбай Борбордук шайлоо комиссиясына бериши керек. «Бир Бол», «Мекенчил», «Ата Мекен», «Ордо» партиялары жыйын өткөрдү. (SE)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG