Линктер

ЧУКУЛ КАБАР!
1-Август, 2021 жекшемби, Бишкек убактысы 01:51

Бишкекте беймаал иштеген кафе-ресторан, клубдар аныкталды


Санитардык талаптарды бузуп той өттү деген ресторандардын бири. Бишкек мэриясынын санитардык-экологиялык инспекциясы 17-августта тараткан сүрөт.

Бишкекте санитардык талаптарды бузуп жана кечки саат 22:00дөн кийин иштеген 20дан ашык кафе-ресторандар, клубдар аныкталды. Бул тууралуу Экономикалык кылмыштарга каршы күрөш боюча мамлекеттик кызмат (Финансы полициясы) билдирди.

Маалыматка караганда, 15-17-августта баш калаада коронавирус пандемиясына байланыштуу карантин чараларынын сакталышы боюнча рейд өткөн. Текшерүүнүн жыйынтыгында 20дан ашык кафе-ресторан менен клубга акт жазылып, протокол түзүлдү.

Кафе-ресторандар, клубдар эреже сактабаганы рейддин жүрүшүндө белгилүү болгон.

Финансы полициясы тамактануу, көңүл ачуу жайларында эл топтолгон учурларды көргөндөрдү 1955, 0312 54-39-80, 0312 54-17-12 телефондоруна кабарлап коюуга чакырат.

Пандемиядан улам Бишкекте карантиндик чектөөлөр бар. Ресторан-кафелерге той-аш өткөрүүгө, эл көп катышуучу иш-чараларга тыюу салынган. Мындай талапты аткарбаган юридикалык жактарга 13 миң, жеке адамдарга үч миң сом айыппул салынат. (NT)

XS
SM
MD
LG