Линктер

ЧУКУЛ КАБАР!
1-декабрь, 2020 шейшемби, Бишкек убактысы 02:20

«Кыргызстан» партиясы сотко кайрылат


Канатбек Исаев.

«Кыргызстан» саясий партиясы Борбордук шайлоо комиссиясынын жумушчу тобунун чечиминин үстүнөн сотко кайрылат. Бул тууралуу партия лидери Канатбек Исаев билдирди.

25-августта БШКнын жумушчу тобу «Кыргызстан» партиясынын парламенттик шайлоого катышуу үчүн тапшырган документтерин артка кайтарууну чечкен. Жумушчу топ партия документ тапшыруу жараянында эреже бузган деп тапты.

Мыйзам боюнча Жогорку Кеңешке шайлоого бара турган партиялардан талапкерлердин тизмесин жана тийиштүү документтерди кабыл алуу 24-августта саат 18:00дө токтотушу керек болчу.

БШКнын каттоо журналында «Кыргызстан» партиясынын документтерин кабыл алуу убактысы кол менен оңдолуп, 17:59 деп жазылган.

Видеокөзөмөлдө да алар белгиленген убакыттан бир аз кечиккени көрсөтүлгөн. Жарандык коом жана башка партиялар буга нааразылык билдирип, маселени жумушчу топ карай баштаган.

Документтерди партия көрсөткөн ыйгарым укуктуу өкүлдөн башка адам тапшырганы да талаш жаратып, БШК төрайымы мында да мыйзам бузулганын белгиледи.

Партия өкүлдөрү маселени техникалык ката деп сыпатташууда.

120 мандаттуу Жогорку Кеңешке шайлоо 4-октябрга белгиленген. Алгач жарышка 44 партия ат салышуу ниетин билдирип, 24-августта алардын 17си расмий каттоого алынган. БШКнын басма сөз кызматы алгач «Кыргызстан» партиясы убакыттан кечикпей документ тапшырганын билдирген. (SE)

Пикирлерди көрүңүз (17)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG