Линктер

ЧУКУЛ КАБАР!
30-сентябрь, 2020 шаршемби, Бишкек убактысы 21:06

Түркия Кыргызстандагы шайлоого 100 миң доллар берет


Кыргызстандын Стамбул шаарындагы иш-чарасынан. 2014-жыл.

Түркия Кыргызстандагы шайлоого жардам катары 100 миң доллар берет. Бул акчалай жардам 4-октябрга дайындалган парламенттик шайлоонун ачык-айкындыгын жана ишенимдүүлүгүн камсыз кылуу максатында берилүүдө.

Түркиянын Бишкектеги элчилиги маалымдагандай, 100 миң доллар каражатка шайлоочуларды идентификациялоочу шайман, автоматтык урна жана монитордон турган жабдыктар сатылып алынат. Ошондой эле Түрк кызматташтык жана координация агенттиги (ТИКА) тарабынан кыргызстандык 21 милиция кызматкери шайлоо коопсуздугу тууралуу тренингден өтүштү.

Маалыматка ылайык, ЕККУнун 4-октябрда өтө турган парламенттик шайлоого байкоочулар миссиясынын курамында жана Түрк кеңешинин эл аралык байкоочу миссиясында түркиялык жарандар катышат.

Кыргызстанда Жогорку Кеңештин жетинчи чакырылышына депутаттарды шайлоо 4-октябрга дайындалган. Ага 16 саясий партия катышат. Шайлоо алдындагы үгүт иштери 4-сентябрда башталган.

Шайлоого көз салуу үчүн ЕККУ, КМШ өлкөлөрүнөн, Түрк кеңешинен жана башка эл аралык уюмдардан 25 байкоочу катталган. Борбордук шайлоо комиссиясынын (БШК) маалыматына караганда, алардын 18и Европадагы Коопсуздук жана Кызматташтык Уюмунун (ЕККУ) Демократиялык институттар жана адам укуктары боюнча бюросунан (ДИАУБ), бешөө Көз каранды эмес Мамлекеттер Шериктештигинен (КМШ), экөө Молдованын Боршайкомунан катталды. Мындан тышкары жергиликтүү өкмөттүк эмес уюмдардын, саясий партиялардын байкоочулары катталууда. (ZKo)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG