Линктер

ЧУКУЛ КАБАР!
23-октябрь, 2020 жума, Бишкек убактысы 08:52

Жалал-Абадда кылмыштуу топтун мүчөсү кармалды


Шектүүнүн жанынан табылган курал.

Ички иштер министрлигинин Чүй жана Жалал-Абад облусу боюнча башкармалыктары Жалал-Абад шаарынан мурда бир нече жолу соттолгон, милицияда уюшкан кылмыштуу топтун мүчөсү катары тизмеде турган 28 жаштагы кишини чогуу кармашты. Бул тууралуу мекеменин басма сөз кызматы маалымдады.

Кармалган жарандын жанынан тапанча жана бейсбол союлу табылган. Шектүү 16-сентябрда уурулук боюнча милицияга түшкөн ыкчам маалыматтарды текшерүү учурунда кармалган. Учурда териштирүү иштери жүрүп жатат.

Буга чейин ар кандай кылмыштар үчүн шектүү катары 16-сентябрда Жалал-Абадда бир, Бишкекте үч уюшкан кылмыштуу топтун мүчөсү кармалганы кабарланган.

ИИМдин маалыматына караганда, Кыргызстанда Камчы Көлбаев, Азиз Батукаев, Алмаз Бокушев түптөгөн үч кылмыштуу топ жана 1076 субъектиден турган түрдүү топтор расмий катталган. (TSh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG