Линктер

ЧУКУЛ КАБАР!
29-октябрь, 2020 бейшемби, Бишкек убактысы 08:35

Ооганстанда жардыруу тогуз адамдын өмүрүн алды


Ооганстандагы жардыруулардан бир көрүнүш. Сүрөттүн окуяга тиешеси жок.

Ооганстандын түштүгүндөгү Гилменд провинцясында жанкечти уюштурган жардыруудан кеминде тогуз адам каза болду. Провинциянын губернаторунун басма сөз катчысы Өмер Звак кабарлагандай, 30-сентябрда Нахри Сарах районунда болгон теракттан каза болгондордун арасында төрт жайкын тургун бар. Анын экөө аялдар. Мындан сырткары бир нече адам жарадар болду.

Бул жарадыруу үчүн эч ким жоопкерчилик ала элек. Бирок теракт болгон Гилменд аймагынын көпчүлүк бөлүгү «Талибан» кыймылынын көзөмөлүндө турат.

Бул жардыруу ооган өкмөтүнүн жана «Талибан» кыймылынын өкүлдөрү ондогон жылдар бою уланып келе жаткан согушка чекит коюу боюнча Катардын борбору Дохада жолугуп жаткан учурга туш келди.

12-сентябрда башталган сүйлөшүүлөргө карабай «Талибан» ок атууну токтотуудан баш тарткан болчу.

БУУнун Ооганстандагы миссиясы 2020-жылдын биринчи жарымында эле 1280 жайкын тургун ар кыл жардыруудан, кол салуудан каза болгонун кабарлаган.

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG