Линктер

ЧУКУЛ КАБАР!
4-Август, 2021 шаршемби, Бишкек убактысы 20:53

Бабанов-Токтогазиев: Таза шайлоону камсыз кылабыз


Өмүрбек Бабанов.

«Акыркы үмүт» саясий бирикмеси убактылуу өкмөттү жетектөөгө сунуш кылып жаткан Өмүрбек Бабанов менен Тилек Токтогазиев алдыдагы шайлоого барбай турганын билдиришти.

«Биз бул түзүлгөн кырдаалдан улам убактылуу өкмөттү башкарып, таза шайлоону камсыз кылалы деп жатабыз. Биз кайсы бир партия менен шайлоого барбайбыз», - деди Токтогазиев.

«Биз шайлоодон кийин жаңы парламент түзүлүп, биздин талапкерлигибиз көрсөтүлүп, жактырылса гана кызматта калышыбыз мүмкүн»,- деди Бабанов.

Бабанов ошондой эле саясатка кайтып келишинин себебин минтип түшүндүрдү:

«Мен мурда саясаттан кеттим деген элем. Бирок саясат биздин жашообуз да. Азыр расмий түрдө кайтып келдим деп айтамын».

«Азаттык» радиосунун кабарчысынын: «Президент Сооронбай Жээнбеков менен сүйлөшүүлөр болдубу?» деген суроосуна: «Жээнбеков менен сүйлөшкөн жокпуз. Бирок анын «саясий кырдаал жөнгө салынса бийликтен кетем» дегени туура чечим болду. «Тынчтык жолу менен кетем» деген чечимин сыйлашыбыз керек», - деди.

Аталган партиялар ошондой эле мурдагы президент Алмазбек Атамбаев менен да жолукпаганын билдиришти.

9-октябрда «Ата Мекен», «Республика», «Бир Бол», «Реформа» саясий партиялары биригип түзгөн «Акыркы үмүт» саясий биримдиги Өмүрбек Бабановду премьер-министрликке, Тилек Токтогазиевди биринчи вице-премьер-министрликке сунуш кылганын жарыялады. (BCh)

Пикирлерди көрүңүз (12)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG