Линктер

ЧУКУЛ КАБАР!
1-Август, 2021 жекшемби, Бишкек убактысы 14:42

Бүгүн Жогорку Кеңеш өкмөттүн курамын жана түзүмүн карайт


Жогорку Кеңештин чукул жыйыны. 2020-жылдын 13-октябры.

Бүгүн, 14-октябрда Жогорку Кеңештин кезектеги жыйыны «Ала-Арча» мамлекеттик резиденциясында болот. Анда өкмөттүн курамы, түзүмү жана программасы каралат. Жогорку Кеңештин басма сөз кызматы маалымдагандай, бүгүнкү жыйында өкмөттүн курамы, түзүмү жана программасы бекитилери күтүлүүдө.

4-октябрдагы шайлоо жыйынтыгына нааразылык митингдери массалык башаламандыкка айланып, Кыргызстанда саясий кризис башталды. Жогорку Кеңештин VI чакырылышындагы депутаттар өкмөт башчыны шайлоо максатында бир нече жолу чогулууга аракет кылышты.
6-октябрда парламент депутаттарынын бир бөлүгү чогулуп, Дастанбек Жумабековду спикерликтен бошотуп, анын ордуна Мыктыбек Абдылдаевди шайлаган. Ошол күнү өкмөт башчылыкка массалык тополоң учурунда абактан бошотулган Садыр Жапаровдун талапкерлигин көрсөткөн.

Мурдагы өкмөт башчы Кубатбек Бороновдун кызматтан кетүү тууралуу арызына президент 10-октябрда кол койгон.

Парламент 10-октябрдагы кезексиз жыйынында Садыр Жапаровду жана анын өкмөтүн бекитип берген.

Жогорку Кеңештин ал күнкү чечимдеринин негизинде кабыл алынган токтомду президент Сооронбай Жээнбеков 13-октябрда артка кайтарган. Буга 10-октябрдагы парламент отуруму кворумсуз өткөн, ал эми анда кабыл алынган чечимдер мыйзамсыз болгон деген жүйө негиз болгон.(ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG