Линктер

ЧУКУЛ КАБАР!
1-декабрь, 2020 шейшемби, Бишкек убактысы 20:47

«Бүтүн Кыргызстан» жаңы бийликти БШКга басым жасабоого чакырды


Адахан Мадумаров.

Өкмөт башчы жана президенттин милдетин аткаруучу Садыр Жапаровдун Борбордук шайлоо комиссиясына (БШК) президенттин квотасы менен шайланган төрт мүчөнү чакыртып алышы туура эмес. Ушундай өңүттө «Бүтүн Кыргызстан» саясий партиясы 22-октябрда билдирүү таратып, жаңы бийликти БШКга басым жасабоого чакырды. Билдирүүгө партия лидери Адахан Мадумаровдун колу коюлган.

Анда «Кыргыз Республикасынын шайлоо жана референдум өткөрүү боюнча комиссиясы жөнүндө» мыйзамда БШК мүчөлөрүнүн ишмердигин президент же парламент токтотуп коюуга акысы жок экени белгиленген.

Андан тышкары партия БШК мүчөлөрүн Ички иштер министрлигине (ИИМ) суракка чакыруу да одоно мыйзам бузуу болгонун, мамлекеттик органдар БШКнын ишине кийлигишүүгө акысы жок экенин кошумчалаган.

Президенттин милдетин аткаруучу Садыр Жапаров Жогорку Кеңешке БШКнын президенттин квотасы менен шайланган төрт мүчөсүн чакыртып алуу жөнүндө кат жөнөткөнү 21-октябрда айтылган. Бул тууралуу парламенттин жалпы жыйынында Канатбек Исаев билдирген.

Ошол эле күнү ИИМ кызматкерлери БШКнын мүчөлөрүн күбө катары суракка алып кетүүгө аракет кылган. Милиция муну 4-октябрдагы парламенттик шайлоодон кийин чыккан башаламандыкка байланыштуу экенин айткан. (SE)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG