Линктер

ЧУКУЛ КАБАР!
30-ноябрь, 2020 дүйшөмбү, Бишкек убактысы 22:26

Борбор Азия лидерлеринин Кыргызстанда пландалган саммити Түркмөнстанда өтүшү мүмкүн


Борбор Азия мамлекеттеринин желектери.

Борбор Азия мамлекеттеринин президенттеринин Кыргызстанда пландалган кеңешүү жыйыны Түркмөнстанда өтүшү мүмкүн. Мындай сунушту расмий Ашхабад өзү киргизгенин Өзбекстандын тышкы иштер министри Абдулазиз Комилов "Дунё" маалымат агенттигине айтты.

"Биз Кеңешүү жыйынынын теңтөрагасы катары Түркмөнстандын сунушун колдоп-кубаттайбыз. Жыйын кеңири жана мазмундуу болот деп үмүт кылабыз",- деди Комилов.

Ал Түркмөнстандагы саммиттен кийинки жыйынды Бишкекте өткөрүү маселесине кайтса болорун белгиледи.

Борбор Азия мамлекеттеринин президенттеринин саммитин уюштурууну Өзбекстандын мамлекет башчысы Шавкат Мирзиёев сунуш кылып, алгачкысы 2018-жылы Казакстанда өткөн. 2019-жылы Ташкентте уюштурулган. Үчүнчү саммит 2020-жылдын августунда Бишкекке өтүшү керек эле, коронавирус пандемиясынан улам 2021-жылга калтырылган.

"Азаттыктын" өзбек кызматы Кыргызстанда октябрдагы парламенттик шайлоодон кийинки башаламандыктар жана бийликтин алмашканы саммитти Ашхабадда өткөрүүгө себеп болушу мүмкүндүгүн жазды.

Расмий Бишкек буга азырынча комментарий бере элек. (SE)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG