Линктер

ЧУКУЛ КАБАР!
19-Сентябрь, 2021 жекшемби, Бишкек убактысы 03:11

Садыр Жапаров Ала-Бука районунда эл менен жолугууда


Ала-Букада Садыр Жапаров менен жолугушууга чогулган эл.

Премьер-министр жана президенттин милдетин аткаруучу Садыр Жапаров 4-ноябрда Жалал-Абад облусунун Ала-Бука районундагы Көк-Таш жана Көк-Серек айылдарынын эли менен жолукту. Жолугушууда Ала-Букадагы Бозумчак алтын кенин иштетип жаткан «KAZ minerals Bozymchak» алтын комбинатын кайрадан иштетиш керек экенин айтты.

Жапаров алтын казуучу компаниялардын ишинин токтоп турганын «элдин же инвесторлордун күнөөсү эмес, бул жоопкерчилик - өкмөттүн катачылыгы» деп баалады.

6-7-октябрь күндөрү бир катар кен иштетүүчү компанияларга чабуул коюлуп, өрттөлгөнү кабарланган. Алардын ичинде Таластагы Жерүй алтын кени да бар. Бул кенде орусиялык «Алтын Альянс» ишканасы чалгындоо иштерин жүргүзүп жаткан.

Буга тушташ Чаткалдагы Терек-Сай алтын кенин иштеткен «Eti bakir» компаниясы, Ала-Букадагы Иштамберди алтын кенин иштеткен «Full Gold Mining» алтын компаниясы жана Ала-Букадагы Бозумчак алтын кенин иштетип жаткан «KAZ mineralz Bozymchak» компаниясы жумушун убактылуу токтотконун кабарлаган.

Алардын өкүлдөрү Өнөр жайы, энергетика жана жер казынасы боюнча мамлекеттик комитетинин жетекчиси Жыргалбек Сагынбаев менен жолугушкан. Бирок алар ишин кайра качан жандантары айтылган эмес. (TB)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG