Линктер

ЧУКУЛ КАБАР!
27-ноябрь, 2020 жума, Бишкек убактысы 09:11

Садыр Жапаров журналисттерге басма сөз жыйынын өткөрөт


Садыр Жапаров.

Президенттин милдетин аткарып жаткан өкмөт башчы Садыр Жапаров бүгүн, 12-ноябрда жалпыга маалымдоо каражаттарына басма сөз жыйынын өткөрөт. Бул тууралуу президенттик аппараттын маалыматтык саясат бөлүмү кабарлады.

Жыйын 2021-жылдын 10-январына белгиленген президенттик шайлоого талапкерлерди каттоо аяктап бараткан учурда өткөнү жатат. Борбордук шайлоо комиссиясы (БШК) 14-ноябрда кечинде документтерди кабыл алууну токтотот.

Кыргызстанда 4-октябрда кезектеги парламенттик шайлоо өтүп, анын жыйынтыгына нааразы болгон он чакты саясий партия 5-октябрда Бишкекте митинг өткөргөн.

Митинг башаламандыкка айланып, кийин бийликтин алмашуусуна алып келди. Азыр президенттин милдетин башаламандык убагында тарапкерлери түрмөдөн бошотуп алган премьер-министр Жапаров аткарып жатат.

Ал келерки жылы өтө турган президенттик шайлоого катышарын, президенттин милдетин аткаруучу кызматын 14-ноябрда өткөрүп берерин айткан.

11-ноябрга карата Кыргызстанда мөөнөтүнөн мурда президенттик шайлоого катышуу үчүн Борбордук шайлоо комиссиясына (БШК) кайрылгандардын саны 16 киши болду. (BTo)

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG