Линктер

ЧУКУЛ КАБАР!
18-Январь, 2021 дүйшөмбү, Бишкек убактысы 03:17

Жогорку Кеңеште коалициялык көпчүлүк курамын кайра кароо маселеси көтөрүлдү


Парламенттеги көпчүлүк коалициянын: КСДП, «Кыргызстан» жана «Бир Бол» фракцияларынын лидерлери мурдагы президент, экс-спикер жана мурунку өкмөт башчы менен жолугушууда. 2018-жыл. (Архивдик сүрөт).

Жогорку Кеңештин депутаты Дастан Бекешев парламенттеги коалициялык көпчүлүктүн курамын карап чыгууну сунуш кылды. Бул тууралуу депутат парламенттин 25-ноябрдагы жыйынында айтып, коалициянын буга чейинки ишмердигин сындады:

«Атамбаев кеткенден кийин коалициялык көпчүлүк аны жамандап, кол тийбестигин алып Сооронбай Жээнбековдун сөзүн сүйлөй баштаган. Ошол эле көпчүлүк эми октябрь окуяларынан кийин башкаларды колдоого өттү. Жаңы президент же президенттин милдетин аткаруучу «Сооронбай Жээнбековду жамандагыла» десе коалиция ага да даяр. Мындай жол менен бара берсек коалициялык көпчүлүк шайтанга деле кызмат кылууга даяр экен».

Бекешев коалицияга кирген фракциянын лидерлерине кайрылып, аны жаңылоо боюнча ойлонуп көрүүнү сунуш кылды. Депутаттын сөзүнө караганда, «Республика - Ата Журт» фракциясынын коалицияны жетектөөгө мүмкүнчүлүгү бар.

КСДП, «Республика - Ата Журт», «Кыргызстан» жана «Бир Бол» фракциялары Жогорку Кеңеште коалициялык көпчүлүктү түзөт. Аны КСДП фракциясынын лидери Иса Өмүркулов жетектейт.

Ал эми «Өнүгүү-Прогресс» жана «Ата Мекен» фракциялары оппозициялык азчылыкта. (BTo/ZKo)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG