Линктер

ЧУКУЛ КАБАР!
24-Январь, 2021 жекшемби, Бишкек убактысы 15:47

Кыргызстан COVID-19 вирусуна каршы вакцина алууга аракеттенүүдө


Иллюстрациялык сүрөт.

Коронавирус инфекциясына каршы вакцина сатып алуу боюнча кыргыз өкмөтү Орусия менен сүйлөшүүдө. Бул тууралуу вице-премьер-министр Элвира Сурабалдиева бүгүн, 26-ноябрда брифингде билдирди. Анын айтымында, Орусиядагы вакциналар сыноодон өтүп, жалпы дарылоого киргизилери менен Кыргызстанга жеткирилет:

«Бул багытта биздин өкмөт август айында Орусия менен сүйлөшүүлөрдү жүргүзгөн. Вакцинанын көлөмү, алып келүү графиктери, Кыргызстанда каттоо жана башка маселелер чечилген. Биздин адистер Москвага барып, «Спутник V» вакцинасынын клиникалык сыноо жараяндары менен таанышып келишти».

Сурабалдиеванын айтымында, Кыргызстан коронавируска каршы вакцина сатып алуу боюнча башка мамлекеттердеги даярдалып жаткан вакциналардын натыйжалуулугуна да көз салууда.

Коронавируска каршы орусиялык «Спутник V» вакцинасынын натыйжалуулугу 95% түзгөнүн Орусиянын Түз инвестициялар фонду аз күн мурун кабарлаган.

Орусиянын «Sputnik-V» вакцинасы чет өлкөлөргө 20 АКШ доллардын айланасында сатылары, ал эми орусиялыктарга бекер сунушталары маалымдалган.

26-ноябрдагы маалыматка караганда, Кыргызстанда кечээтен бери коронавирустан алты киши каза болду. Көз жумган бейтаптардын бешөө Бишкек шаарынын, бирөө Ош облусунун тургуну болчу.

Жалпысынан көз жумгандардын саны 1251 адамга жетти.

Соңку бир күн ичинде вирус дагы 427 адамдан табылды. Алардын эң көбү Бишкек шаарында (179) жана Чүй (94) облусунда.

Оору жуккандардын жалпы саны 71 171 кишиге жетти.

Бир күндө 495 адам айыгып чыкты. Азыр ооруканада 2861 адам жатат, дагы 3832 бейтап үйдөн дарыланып жатат. (ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG