Линктер

ЧУКУЛ КАБАР!
18-Сентябрь, 2021 ишемби, Бишкек убактысы 18:05

Прокуратура Бишкекте мыйзамсыз менчикке чыгарылган жер тилкелерин мамлекетке кайтарды


Айдоого мыйзамсыз түшкөн конуш. Иллюстрациялык сүрөт.

Свердлов райондук прокуратурасы баш калаанын Древесная жана Витебская көчөлөрүндө жайгашкан жер участоктору менчикке чыгышын мыйзамсыз деп таап, аларды мамлекеттик муниципалдык органга кайтарды. Бул тууралуу Башкы прокуратуранын басма сөз кызматы маалымдады.

Прокуратура Древесная көчөсүндөгү 20,89 сотых жана Витебская көчөсүндөгү 6,78 сотых жерди менчикке чыгарууда Бишкек мэриясынын Жеке турак жай курулуш департаментинин жооптуу кызматкерлери коррупцияга жол берген деп эсептейт. Башкы көзөмөл органынын маалыматында «алар Свердлов райондук администрациясынын токтомдорунун кɵчүрмɵлɵрүн жасап, мыйзамсыз түрдө жарандарга менчикке чыгарып беришкен» деп жазылган.

Натыйжада базар баасы 8 млн. 850 миң сомду түзгɵн 27,67 сотых (0,2767 га) жер участоктору мамлекетке кайтарылган.

Акыркы күндөрү Башкы прокуратура мыйзамсыз менчикке чыгарылган жер тилкелерин мамлекетке кайтаруу иштерин жүргүзүп жатат. 30-ноябрдагы маалыматтарга караганда, Мамлекеттик каттоо кызматынын мурдагы жетекчиси Тайырбек Сарпашев мыйзамсыз менчиктеп алган 530 гектар жер мамлекетке кайтарылды. Ысык-Көлдөгү «Алтын көл» жана «Рохат» пансионаттарынын ортосундагы баасы 10 млн. сомдон ашуун турган 60 сотых жер да мамлекетке кайтарылган. (ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG