Линктер

ЧУКУЛ КАБАР!
28-Январь, 2021 бейшемби, Бишкек убактысы 14:32

Конституциялык палата өз чечимине түшүндүрмө берди


Конституциялык палата парламенттик кайра шайлоо мөөнөтүн өзгөртүү тууралуу мыйзамдын Конституцияга шайкештиги тууралуу чечимин жарыялап жаткан учуру. Бишкек шаары. 2-декабрь, 2020-жыл.

«Реформа» саясий партиясынын жана юристтердин арызына карата «Жогорку Кеңештин депутаттарын кайра шайлоо белгисиз мөөнөткө токтотулганы жөнүндөгү мыйзам Конституцияга каршы келбейт» деп чыгарган чечимине Жогорку соттун Конституциялык палатасы түшүндүрмө берди. Анда:

«Жогорку Кеңештин регламенти жөнүндө мыйзамга ылайык, чукул кырдаал учурунда буга мыйзам жол берет. Коронавирус пандемиясына байланыштуу Кыргызстанда 22-марттан тартып чукул кырдаал киргизилген. 5-6-октябрдагы башаламандык өлкөдө социалдык туруксуздукка алып келди. Кыргызстан масштабдуу түрдө саясий-социалдык кризисте турганы анык. Жогорку Кеңеш регламентке ылайык, конституциялык мыйзамды өзгөчө абалда кабыл алышына негиз бар», деп жазылган.

Мындан тышкары шайлоону жылдыруу эл аралык нормаларга туура келери жана Конституциянын беренелерине каршы келбей тургандыгы белгиленген.

2-декабрда Жогорку соттун Конституциялык палатасы Жогорку Кеңештин депутаттарын кайра шайлоо белгисиз мөөнөткө токтотулганы жөнүндөгү мыйзамдын Конституцияга шайкештигин караган. Жыйынтыгында бул мыйзам Конституциянын беренелерине каршы келбейт деп чечкен. Арыз ээлери чечимди саясий мүнөздө деп баалап, бийликтин кийлигишүүсү менен кабыл алынды деген пикирлерин айтышкан. (BTo/ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG