Линктер

ЧУКУЛ КАБАР!
18-Январь, 2021 дүйшөмбү, Бишкек убактысы 22:21

Ооганстанда тынчтык сүйлөшүүлөр жанданып жаткан чакта зомбулук аракеттери күчөгөнүнө Помпео тынчсызданды


АКШнын Мамлекеттик катчысы Майк Помпео (солдо) молдо Абдул Гани Барадар (солдон экинчи) жана башка талиптердин өкүлдөрү менен жолугушууда. Доха, Катар. 2020-жылдын 21-ноябры.

АКШнын Мамлекеттик катчысы Майк Помпео Ооганстандагы зомбулук аракеттердин деңгээли "кабыл алгыстай жогорку чекке" жеткенине тынчсыздануусун билдирди. 4-декабрда ал сүйлөшүүлөр жүргүзүп жаткан оогандык өкмөт өкүлдөрү менен талиптердин өкүлдөрүнө видео кайрылуусун жолдоду. Кайрылууда эки тарапты тең «чындап чегинүүгө» чакырды жана жалпы өлкө боюнча ок атышууларды токтотуу сыяктуу өтө орчун маселелер чечилет ко деген үмүтүн билдирди.

Доха шаарында оогандык өкмөт өкүлдөрү менен талиптердин өкүлдөрү ушул аптада сүйлөшүүлөрдү мындан ары улантуу тууралуу келишкен. Помпео эки тараптын өкүлдөрү менен Дохада 21-ноябрда сүйлөшүү жүргүзгөн.

10-мартта башталышы керек болгон бул тынчтык сүйлөшүүлөрү камактагыларды бошотуу тартиби жана башка эрежелерди тактоо сыяктуу себептерден улам создугуп кеткен.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG