Линктер

ЧУКУЛ КАБАР!
5-Март, 2021 жума, Бишкек убактысы 20:36

Талант Мамытов Орусияда Мамдуманын төрагасы Вячеслав Володин менен жолугушат


Талант Мамытов.

Президенттин милдетин аткарып жаткан спикер Талант Мамытов 6-декабрда Москвага иш сапары менен барды.

Жогорку Кеңештин басма сөз кызматы билдиргендей, иш сапардын жүрүшүндө Талант Мамытов Орусиянын Мамлекеттик думасынын төрагасы Вячеслав Володин менен эки тараптуу жолугушууларды өткөрөт.

Тараптар соода-экономикалык, гуманитардык жана Кыргызстан менен Орусиянын парламенттер аралык кызматташтыгын талкуулашат.

Мындан тышкары Мамытовдун КМШнын аткаруу комитетинин төрагасы Сергей Лебедев жана Евразия экономикалык комиссиясынын коллегиясынын төрагасы Михаил Мясникович менен жолугушуулары белгиленген.

Анын Орусиядагы кыргызстандыктар менен да жолугушары күтүлүп жатат.

Кыргызстанда парламенттик шайлоонун жыйынтыгынан улам чыккан октябрь окуяларынан кийин бийлик алмашып, президент Сооронбай Жээнбеков кызматын мөөнөтүнөн мурда өткөрүп берген.

6-октябрга караган түнкү башаламандыкта тарапкерлери тарабынан түрмөдөн бошотулган экс-депутат Садыр Жапаров алгач өкмөт башчы болуп, андан кийин президенттин милдетин аткара башталган.

Ал 2021-жылдын 10-январына дайындалган президенттик шайлоого катышуу үчүн убактылуу кызматын тапшырып, өкмөт башчылыкты убактылуу токтоткон. Азыр президенттин милдетин Жогорку Кеңештин төрагасы Талант Мамытов аткарууда.

Октябрь окуяларынан кийин Орусияга Кыргызстандан өкмөт башчынын милдетин аткаруучу Артём Новиков менен тышкы иштер министри Руслан Казакбаев барып келген. (NT)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG