Линктер

ЧУКУЛ КАБАР!
16-Сентябрь, 2021 бейшемби, Бишкек убактысы 18:08

Мээрим Жуманазарова Дүйнө кубогунда алтын байге үчүн күрөшөт


Мээрим Жуманазарова кыз-келиндер күрөшү боюнча Дүйнө кубогунун жарым финалдык беттешинде. 15-декабрь, 2020-жыл. Белград, Сербия.

Кыргызстандык балбан кыз Мээрим Жуманазарова ушул күндөрү Сербиянын борбору Белградда өтүп жаткан кыз-келиндер күрөшү боюнча Дүйнө кубогунда алтын байге үчүн күрөшөт.

Ал алгач беларус Анна Садчанканы 4:1 эсебинде жеңди. Жарым финалда украиналык Алина Бережна Стадник-Махиняны (6:6) утуп, финалдык таймашка жолдомо алды. 16-декабрда Жуманазарова чехиялык Адэла Ханзликова менен алтын байге үчүн күрөшөт. Таймаш Бишкек убактысы боюнча саат 23:00дө башталат.

Бул күнү дагы бир кыргызстандык Айпери Медет кызы 76 килограммга чейинки салмакта коло байге үчүн орусиялык Екатерина Букина менен күрөшөт. Ал жарым финалда германиялык Аллин Роттер Фокенге жеңилген. Ага чейин чейрек финалда болгариялык Мария Оряшкованы 5:1 эсебинде уткан.

15-декабрда 62 килограммга чейинки салмакта күрошкөн Айсулуу Тыныбекова алтын байгенин ээси болду.

Күрөш боюнча Дүйнө кубогу 12-декабрда башталган. Алгач грек-рим күрөшү боюнча таймаштарда кыргыз балбандары бир алтын, эки коло байгеге ээ болушту. 60 килограммга чейинки салмакта Жоламан Шаршенбеков алтын медал тагынса, Руслан Царев (72 кг.) менен Калы Сулаймановго (63 кг.) коло медал буюрду.

Алдыда эркин күрөш боюнча таймаштар бар. Кыргыз балбандары жети салмакта күч сынашат. Бекболот Мырзаназар уулу (57 кг.), Улукбек Жолдошбеков (61 кг.), Эрназар Акматалиев (65 кг.), Исламбек Орозбеков (70 кг.), Саякбай Усупов (74 кг.), Арсалан Будажапов (79 кг.) жана Айаал Лазарев (120 кг.) килемге чыгат. Дүйнө кубогунун мелдештери 18-декабрга чейин уланат. (GT/EСh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG