Линктер

ЧУКУЛ КАБАР!
26-Январь, 2021 шейшемби, Бишкек убактысы 08:08

Президенттик шайлоо: Аймактарга жана чет жактагы добушканаларга бюллетендер жиберилди


2020-жылдын 4-октябрында өткөн парламенттик шайлоодо добушканалардын биринде бюллетендерди эсептөө учуру.

Кыргызстандын Борбордук шайлоо комиссиясы (БШК) алдыдагы президенттик шайлоо жана башкаруу тартибин аныктоо боюнча референдумга карата бюллетендерди аймактарга жана чет жактагы добушканаларга 2-январда жиберди.

БШКнын маалыматына караганда, Жалал-Абад, Ош, Баткен, Нарын, Ысык-Көл, Талас жана Чүй облустук, Бишкек жана Ош шаардык шайлоо комиссияларына, чет өлкөдөгү добушканаларга бюллетендерди кабыл алуу жана өткөрүп берүү актысына ушул күнү кол коюлду.

Президенттик шайлоого карата жалпы 3 567 138 бюллетень даярдалды. Андан тышкары Брайл шрифти менен даярдалган 4948 бюллетень бар.

Жалпысынан Бишкек шаарына 417 341, Ош шаарына 151 168, Жалал-Абад облусуна 667 265, Ош облусуна 723 620, Баткенге 297 574, Нарынга 202 710, Ысык-Көлгө 308 091, Таласка 158 054, Чүйгө 592 155, чет өлкөлөрдөгү участокторго 49 160 бюллетень жиберилди. Референдумга да ушунча бюллетень даярдалып, жөнөтүлдү.

Бюллетендердин саны 2-январында «Тизме» (tizme.gov.kg) порталына жайгаштырылган шайлоочулардын акыркы тизмесинин негизинде эсептелгени айтылды.

Бюллетендер «Учкун» ачык акционердик коомунда күнү-түнү басылып, ага БШК мүчөлөрү, кызматкерлери, жумушчу топтор мониторинг жүргүзүп, УКМК жана ИИМ кайтарганы кабарланды.

Президенттик шайлоонун бюллетени ак, референдумдун бюллетени көгүш түстө.

10-январда Кыргызстанда президенттик шайлоо менен кошо башкаруу тартибин аныктаган референдум өткөнү жатат. (NT)

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG