Линктер

ЧУКУЛ КАБАР!
17-Сентябрь, 2021 жума, Бишкек убактысы 22:40

ИИМ: Шайлоодон кийин нааразылык болсо күч колдонулбайт


Ала-Тоо аянтындагы милиция кызматкерлери. Октябрь, 2020-жыл. Иллюстрациялык сүрөт.

Президенттик шайлоодон кийин анын жыйынтыгына нааразы болуп, митингге чыккандарга күч колдонулбай турганын ички иштер министринин орун басары Октябрь Урмамбетов бүгүн, 6-январда басма сөз жыйынында билдирди:

«Азыр бизде шайлоодон кийин кырдаалды чайпалтуу максатында чагым иштери даярдалып жатканы тууралуу маалыматтар бар. Мындай аракеттерди кылгандарга мыйзам чегинде чара көрүлөт. WhatsApp жана башка соцтармактардан тастыкталбаган, чагым маалыматтар таратылып жатат. Учурда 50дөн ашуун ушул сыяктуу маалымат текшерилип жатат».

Министрдин орун басары ошондой эле кырдаалдын туруктуулугун бузууга шарт түзүүчү макалалар жарыяланган маалымат каражаттары да жоопкерчиликке тартыларын эскертти.

Урмамбетовдун журналисттерге билдиргени боюнча, президенттик шайлоо жана референдум күнү 11 миңден ашуун милиция кызматкери иштейт. Милиция башка күч кызматтары менен кошо күчөтүлгөн тартипте иштөөгө 6-январдан тартып өттү.

Кыргызстанда кезексиз президенттик шайлоо жана мамлекетти башкаруу формасын тандоо боюнча референдум 10-январда өтөт. Үгүт өнөктүгү 15-декабрда башталган, ал 9-январга чейин уланат. Президенттик жарышка 18 талапкер чыккан, анын бири талапкерлигин алып салды. (ZKo)

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG