Линктер

ЧУКУЛ КАБАР!
23-Январь, 2021 ишемби, Бишкек убактысы 03:33

Бишкекте «Тез жардам» кызматкерлери коопсуздук үчүн каска кийишет


«Тез жардам» машинелери. Июль, 2020-жыл. Иллюстрациялык сүрөт.

Борбор калаадагы «Тез жардам» кызматынын дарыгерлери, айдоочулары жана башка медициналык кызматкерлери коопсуздук үчүн баштарына коргоочу каска кийишет. Аларга ар кандай тополоң жана башка учурларда каска зарыл болгонун «Тез жардам» кызматынын өкүлү Борис Егоров «Твиттердеги» баракчасына жазды.

Каскалардын өңү кызматкерлердин халатына түспөлдөш ак түстө болот.

Бишкектеги 5-6-октябрдагы массалык башаламандык учурларында, мурдагы март, апрель окуяларында «Тез жардам» кызматынын кызматкерлерине таш, таяк жана башка нерселер тийип, жаракат алган учурлары катталган. Массалык тополоңдун катышуучулары дарыгерлерди, өрт өчүрүүчүлөрдү сабап койгон учурлар да көп болгон.

Былтыр 6-октябрга караган түнү бир дарыгердин башына таш тийип, ооруканага жаткырылган. (ZKo)

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG