Линктер

ЧУКУЛ КАБАР!
21-Январь, 2021 бейшемби, Бишкек убактысы 14:42

Бишкек шаардык соту ооган жаранынын иши боюнча апелляциялык арызды карады


Иллюстрациялык сүрөт.

Бүгүн, 14-январда Бишкек шаардык соту ооган жараны Камран Шенвариге чыгарылган Октябрь райондук сотунун чечими боюнча апелляциялык арызды карады. Шаардык соттун басма сөз кызматы кабарлагандай, бүгүнкү териштирүүдө иш боюнча күбө өтүп жаткан журналист суралды. Кийинки жараян 27-январда болот.

14-январда шаардык соттун жанында айыпталуучунун жакындары митингге чыгып, анын күнөөсүз соттолгонун билдиришти. Өзүн Шенваринин жубайы катары тааныштырган Линара Мазунова сот чечимин мыйзамсыз деп баалады:

«Бул өтө коркунучтуу көрүнүш. Сот күйөөмдү фейк аккаунт тарабынан жазылган комментарий үчүн беш жылга кести. Биз буга каршыбыз».

Ооганстандын жараны Камран Шенварини Бишкектин Октябрь райондук соту Жазык кодексинин 313-беренеси («Расалык, улуттук, диний жана аймактык кастыкты козутуу») боюнча айыптап, беш жылга эркинен ажыраткан. Ал «Фейсбуктагы» баракчасында экстремизмге чакырган комментарийи үчүн айыпталганы кабарланган. (ZKo)

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG