Линктер

ЧУКУЛ КАБАР!
28-Сентябрь, 2021 шейшемби, Бишкек убактысы 08:50

Өмүрбекова: «Мен иштеген кезде гуманитардык жардам аз келген»


Алтынай Өмүрбекова, мурдагы вице-премьер-министр.

Мурдагы вице-премьер-министр Алтынай Өмүрбекова бүгүн, 26-январда түштөн кийин Экономикалык кылмыштуулукка каршы күрөш боюнча мамлекеттик кызматка (Финансы полициясы) сурак бергени кирди.

Ал кирип бара жатып 2020-жылдын 27-январынан тартып ошол кездеги өкмөт коронавируска каршы күрөшүүгө эксперттердин кеңеши менен даярдык көргөнүн билдирди. Өмүрбекова сырттан келген гуманитардык жардам ал кызматта турганда аз өлчөмдө келгенин айтты:

«Мен иштеген убакта гуманитардык жардам өтө көп деле келген эмес. ЮСАИД, Дүйнөлүк саламаттык сактоо уюму сыяктуу айрым эл аралык өнөктөштөр бир аз гуманитардык жардам беришкен. Анын баары кандай бөлүштүрүлгөнү тууралуу маалыматтар бар. Көбүнчө беткап, коргоочу форма сыяктуу медициналык каражаттар келген. Аларды Саламаттык сактоо министрлиги ооруканаларга бөлүштүргөн деп айта алам. Мен кеткенден кийин эмне болгонун айта албайм.»

Алтынай Өмүрбекова апрель айынын башында вице-премьер-министрлик кызматтан кеткен. Ал Мухамедкалый Абылгазиев өкмөт башчы болуп турганда кызматта эле.

Буга чейин Финансы полициясында мурдагы премьер-министр Кубатбек Боронов сурак берген.

Мурдагы саламаттык сактоо министри Космосбек Чолпонбаев сентябрь айында камакка алынып, быйыл январда үй камагына чыгарылган.

Алтынай Өмүрбековадан тышкары андан кийин кызматка келген мурдагы вице-премьер-министр Аида Исмаилова да 26-январда сурак берип чыкты. (BCh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG