Линктер

ЧУКУЛ КАБАР!
27-Февраль, 2021 ишемби, Бишкек убактысы 04:54

Румынияда ооруканада чыккан өрттөн төрт киши каза болду


Румыниянын борбору Бухаресттеги ооруканада чыккан өрттөн кеминде төрт адам каза болду.

Бул медициналык жайда коронавирус жугузгандар дарыланып жаткан. Румын Ички иштер министрлигинин өкүлү Раед Арафаттын айтымында, үч адам өрттөн чыга албай каза болсо, бир адам ооруканада үзүлгөн.

Кырсыктан кийин 60 бейтап оорукананын башка бөлүмдөрүнө которулса, дагы 44ү шаардагы башка ооруканаларга жеткирилди. Өрт эмнеден чыкканы белгисиз. Учурда кылмыш иши козголуп, тергөө башталды.

Былтыр ноябрда Румыниянын чыгышындагы Пьятра Нямц шаарындагы коронавирус жугузгандар дарыланып жаткан ооруканада чыккан өрттөн 10 адам каза болгон.

Румыния - Европа Биримдигиндеги жарды өлкөлөрдүн бири. Калкы 19 миллионго жакын бул өлкөдө 721 миңден ашуун адам коронавирус жугузса, 18 миңден ашыгы каза болду.

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG