Линктер

ЧУКУЛ КАБАР!
27-Сентябрь, 2021 дүйшөмбү, Бишкек убактысы 22:52

Кыргызстан “Европа Биримдиги – Борбор Азия” экономикалык форумунун катчылыгын түзүүнү сунуштады


Вице-премьер-министрдин милдетин аткаруучу Равшанбек Сабиров өкмөт мүчөлөрү менен БУУнун Борбор Азиядагы өкүлү Петер Буриандын жолугушуусу. 30-январь, 2021-жыл.

Кыргызстандын вице-премьер-министринин милдетин аткаруучу Равшанбек Сабиров Европа Биримдигинин Борбор Азия боюнча өкүлү Петер Буриан менен жолугушуу учурунда Бишкекте “Европа Биримдиги – Борбор Азия” экономикалык форумунун катчылыгын түзүүнү сунуштады.

Бул тууралуу өкмөттүн басма сөз кызматы маалымдады. Эки тараптын жолугушуусу 30-январда өттү.

Сабировдун айтымында, катчылык жылына форумду өткөрүүгө даярдык көрүү, чөлкөмгө пайдалуу долбоорлорду тандоо жана даярдоо менен алектенет. Вице-премьер-министрдин милдетин аткаруучу демилгени коңшу өлкөлөр жана Евробиримдик колдоруна ишенерин белгиледи.

Европа Биримдигинин Борбор Азия боюнча өкүлү Петер Буриан Кыргызстан менен мыйзам үстөмдүгү, билим берүү, гендерлик теңчилик багытында иштешүүгө даяр экенин билдирди.

5+1 форматындагы Евробиримдик менен Борбор Азия өлкөлөрүнүн өкүлдөрүнүн жолугушуусу жыл сайын уюштурулуп жүрөт. Кыргызстан менен Евробиримдиктин ортосундагы кызматташтык 1999-жылы башталган. (TSh)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG