17:13
31.1.2021
Орусияда митингге чыккандар кармалды
Митингдерге байкоо жүргүзгөн «ОВД-инфо» уюму жалпысынан 4500дөй адам кармалганын билдирди. Алардын арасында камактагы оппозиционер Алексей Навальныйдын аялы Юлия да бар. Аны кечке маал кайра коё беришти.
17:02
31.1.2021
17:02
31.1.2021
Жалпы Орусия боюнча оппозициялык саясатчы Алексей Навальныйды колдогон митингдерде 1009 адам кармалды. Алардын арасында кеминде 47 өспүрүм жана 30дан ашуун журналист бар. Бул тууралуу "ОВД-Инфо" кабарлады.
Кармалгандардын көбү Москвада - 142, Владивостокто - 113 жана Новосибирскиде - 93. Ошондой эле адамдар Красноярск, Пермь, Новокузнецк, Самара, Тверь, Уфа, Иркутск, Сочи, Төмөнкү Новгород, Петербург, Екатеринбург, Томск, Магнитогорск, Челябинск, Тюмень шаарларында кармалууда.
Кармалгандардын арасында өспүрүмдөр, улгайган адамдар, журналисттер жана Навальныйдын аймактык штабдарынын өкүлдөрү бар. Ошол эле учурда нааразычылык акциясына чыккандар жана журналисттер күч кызматтары адамдарды эч себепсиз кармап кетип жатышканын айтышууда.
16:21
31.1.2021