Линктер

ЧУКУЛ КАБАР!
1-Август, 2021 жекшемби, Бишкек убактысы 00:34

COVID-19: Кыргызстанда алгач дарыгерлер жана мугалимдер эмделет


Иллюстрациялык сүрөт.

Кыргызстанда коронавируска каршы эмдөөнүн алгачкы этабында дарыгерлер жана мугалимдер камтылат. Бул тууралуу 3-февралда парламентте маалымат берип жатып саламаттык сактоо министринин милдетин аткаруучу Алымкадыр Бейшеналиев билдирди:

“Биринчи этапта медиктер жана мугалимдер, андан кийин экинчи этапта кооптуу катмардагыларды вакцина алышат”.

Бейшеналиевдин айтымында, Кыргызстан AstraZeneca деген вакцинаны тандап алды. Март айынын башында 504 миң доза келери пландалууда.

Саламаттык сактоо министрлигинин маалыматына караганда, коронавируска каршы бекер эмдөө үч этап менен жүрөт. Дарыгерлер, мугалимдер жана тейлөө тармагында иштеген кызматкерлер алгандан кийин 60 жаштан улуу курактагылар, өнөкөт оорусу барлар жана социалдык жактан аз камсыз болгондор эмделип, үчүнчү этапта калган каалоочулар вакцинация болот.

Глобалдык COVAX альянсынын алкагында коронавируска каршы күрөш үчүн «Pfizer/BioNTech» вакцинасы Кыргызстанга акысыз сунушталган. Бирок кыргыз өкмөтү аны -70 градус температурада cактай турган муздаткыч жок экенин билдирген.

Кыргызстанда коронавирус эпидемиясы 2020-жылдын март айында башталган. Бул илдет дээрлик 85 миң адамга жукту, алардын 1,5 миңдейи каза болду.

AstraZeneca plc - Британияда жайгашкан фармацевтикалык биргелешкен компания. (RK)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG