Линктер

ЧУКУЛ КАБАР!
3-Август, 2021 шейшемби, Бишкек убактысы 04:34

Орусия Швеция, Польша жана Германиянын дипломаттарын өлкөдөн чыгарат


Орусия Швеция, Польша жана Германиянын үч дипломатын персона нон-грата деп жарыялап, өлкөдөн чыгарат.

Орус бийлиги аталган дипломаттар 2021-жылдын 23-январдагы мыйзамсыз акцияларга катышканы үчүн ушундай чечим кабыл алган.

5-февралда Тышкы иштер министрлигине Швециянын элчиси, Польшанын убактылуу өкүлү, Германиянын дипломаты чакырылып, аларга дипломаттар тууралуу чечим тапшырылды.

Анда “Дипломатиялык алакалар жөнүндө Вена конвенциясына ылайык, мыйзамсыз иш-аракеттерге катышкан дипломаттар персона нон-грата деп жарыяланат. Аларга жакын арада Орусиянын аймагынан чыгып кетүү эскертилди", - деп айтылган.

Орусиядан чыгарыла турган дипломаттар Швеция жана Польшанын Санкт-Петербургдагы башкы консулдуктарынын, Германиянын Москвадагы элчилигинин кызматкерлери экени белгилүү болду.

23-январда Орусиянын ондогон шаарларында камактагы оппозициячыл саясатчы Алексей Навальныйдын боштондугун талап кылган акциялар өткөн. Анын жүрүшүндө миңдеген адамдар камакка алынган.

Батыш өлкөлөрү акыркы демонстрация учурундагы полициянын зомбулугун айыптап, Навальныйды абактан бошотууну талап кылып келет.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG