Линктер

ЧУКУЛ КАБАР!
28-Сентябрь, 2021 шейшемби, Бишкек убактысы 02:15

Лукашенко Мирзиёевдин пландарынан "чочуй турганын" айтты


Лукашенко жана Мирзиёев. Өзбек лидери 2019-жылы Минск шаарына барганда тартылган сүрөт.

Александр Лукашенко Өзбекстандын президенти Шавкат Мирзиёевдин пландарынан кээде "чочуйт". Бул тууралуу ал 4-февралда Ташкенттин Беларустагы элчиси, кызмат мөөнөтү аяктаган Насиржан Юсупов менен коштошкондо айтты.

"Азаттыктын" өзбек кызматы Беларус медиасына таянып кабарлагандай, Лукашенко Мирзиёев тууралуу мындай деген:

"Аны менен Өзбекстандын пландары жөнүндө сүйлөшкөнүмдө кээде коркуп кетем. Ал баарына аябай тез киришип кетпеди бекен деп ойлонуп калам".

Лукашенко Өзбекстан геосаясаттан четте калышы мүмкүн эместигине басым жасап, Мирзиёевге ишеним билдирген.

2020-жылы Беларуста өткөн, жыйынтыгы эл аралык деңгээлде дагы эле талаш бойдон турган шайлоодо өзбек президенти Лукашенкону эң биринчилерден болуп "жеңиши менен" куттуктаган.

9-августтагы шайлоодо Беларусту 1994-жылдан бери башкарып келаткан Лукашенко жеңип чыкканы расмий жарыялангандан кийин өлкөдө оппозициянын жана жарандык коомдун нааразылык акциялары башталган. Андан бери митингдер, жүрүштөр токтобой келүүдө. АКШ жана Европа Биримдиги Лукашенкону президент катары тааныбай турганын билдиришкен.

Шавкат Мирзиёев Өзбекстанды 2016-жылдан бери башкарат. Келерки президенттик шайлоо 2021-жылдын күзүндө өтөт.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG