Линктер

ЧУКУЛ КАБАР!
21-Сентябрь, 2021 шейшемби, Бишкек убактысы 15:29

Адвокат: Казарманда майыптыгы бар кыз таята жана таенесинен зомбулук көргөн


Жабырлануучунун арызы.

Жалал-Абад облусунун Тогуз-Торо районуна караштуу Казарман кыштагында 26 жаштагы майыптыгы бар кыз таята, таенесинин ур-токмогуна алынып, зомбулук көргөнү кабарланууда. Бул тууралуу "Азаттыкка" 8-февралда адвокат Шердор Абдыкапаров билдирди.

Анын айтымында, жабырлануучунун атынан анын 27 жаштагы агасы Алтынбек Артыкбек уулу кайрылган.

Алтынбек Артыкбек уулу өз арызында ата-энесинен эрте жетим калышып, эки буту тубаса майып карындашы таятасынын үйүндө жашаганын, бул үйдө ал зомбулук көрүп жүргөнүн жазган:

"Менин сизге арыз жазуумдун себеби - менин бир тууган карындашым Артыкбек кызы Асел буттары баспайт. Казарманда таята, таенемдин колунда турат. Ата-энебиз эрте эле өтүп кеткен. Карындашымдын зомбулук көргөнү тууралуу видео фактылар, таятам зордуктаганы жөнүндө аудио фактылар бар. Мыйзам алдында алардын жооп беришин суранам".

Адвокат Шердор Абдыкапаров бул маалыматты ырастап, 9-февралда кыздын агасы менен чогуу Казарманга барып, тийиштүү укук коргоо органдары, соттук- медициналык экспертизага кайрылышарын "Азаттыкка" маалымдады.

"Биз кызды Бишкекке алып келип, атайын кризистик борбор же майыптыгы бар адамдар үчүн жайга жайгаштыралы деп жатабыз. Соттук-медициналык экспертиза да өткөрөбүз".

Кыргызстанда 2020-жылы үй-бүлөдөгү зомбулук 65% көбөйгөн. (BCh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG