Линктер

ЧУКУЛ КАБАР!
17-Сентябрь, 2021 жума, Бишкек убактысы 23:30

Бишкекте алданган үлүшчүлөр он миңдей адам экени айтылды


Эрмек Нургазиев.

Бишкекте батир сатып алам деп үлүшкө кирип, алданып калгандар он миңдей адам. Бул тууралуу 9-февралда журналисттердин суроосуна жооп берип жатып Бишкек шаарынын мэринин милдетин аткаруучу болуп жаңы дайындалган Эрмек Нургазиев билдирди:

“Азыр шаарда жабыркаган он миңдей адам бар. Алардын аркасында үй-бүлөлөрү, балдары бар. Менин максаттарымдын бири – ошол жабыркаган үлүшчүлөргө жардам берүү. Себеби бюрократиялык тоскоолдуктар, түшүнбөөчүлүк бар”.

Борбор калаанын жаңы мэри шайланганга чейин шаар башчынын милдетин аткаруучу болуп Эрмек Нургазиев дайындалды. Буга чейин ал “Эмма строй” курулуш компаниясынын башкы директору болуп иштеп жаткан.

Соңку жылдары Кыргызстанда элден үлүш негизинде чогулган акчага там салып, батир саткан курулуш компанияларынын саны 150дөн ашканы кабарланган. Алардын айрымдары үлүшчү менен түзгөн келишимин так аткарып, батирин убада кылынган мөөнөттө бүтүрүп берсе, кээ бирлери курулушту да жүргүзбөй, үлүшчүлөрдүн акчасын да кайтарып бербей, соттошкон учурлар жок эмес.

2018-жылы "Азаттык" радиосунун “Ыңгайсыз суроолор” берүүсү турак жай курулушундагы башаламандыктарды, мамлекет жөнгө сала албай жаткан системаны иликтөөгө алган. Бул иликтөөдө Эрмек Нургазиевдин да аты аталган.(RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG