Линктер

ЧУКУЛ КАБАР!
22-Сентябрь, 2021 шаршемби, Бишкек убактысы 07:49

Жалал-Абад облусунда салыктын 70% "сол чөнтөккө" кетип жатканы айтылды


Жыйын маалында маалымат берип жаткан салык кызматынын өкүлдөрү.

Жалал-Абад облусунда ишкерлер тапкан киреше боюнча салык 70% ачыкталбай жатат. Бул тууралуу өкмөттүн Жалал-Абаддагы өкүлү Абсаттар Сыргабаев 10-февралда өткөн облустук жыйында айтты.

Жыйында белгилүү болгондой, облуста өндүрүлбөй калган салык төлөмдөрүнүн суммасы 2021-жылдын 1-январына карата 381 миллион сомду түзүп, өткөн жылга салыштырганда 140 миллион сомго көбөйдү.

Район-шаарлардын ичинен өнө элек эң көп карыз Ноокенде 40 миллион сом болсо, Жалал-Абад шаарында 68 миллион сомго жеткен.

Облус башчысы ишкерлерди мыйзам жолуна түшүүгө чакырып, салыктарды жашырбоо керектигин айтты:

"Салык кызматы ошолор берген отчетуна эле макул болуп, ишкерлер менен бир болуп жатасыңар. Салыктын 30% эле көрсөтүлүп, 70% сол жакка кетип жатат".

Кыргызстан «Transparency International» уюмунун жемкорлук боюнча тизмесинде 2020-жылдын жыйынтыгы менен 180 өлкөнүн ичинен 124-орунду ээледи.

Мамлекеттик салык кызматы быйылкы жылга карата планын көбөйтүп, мамлекеттик бюджетке 96 миллиард сом каражат чогултуу милдетин койгон. (TB)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG