Линктер

ЧУКУЛ КАБАР!
21-Сентябрь, 2021 шейшемби, Бишкек убактысы 01:49

"Ак-Кула" ат майданында тынчтык жыйыны өтүүдө


"Ак-Кула" ат майданындагы тынчтык жыйыны.

Бишкектеги "Ак-Кула" ат майданында бүгүн, 17-февралда майданды шаардын сыртына көчүрүүгө каршы тынчтык жыйыны өтүүдө.

Ага катышкан ат жана улуттук спорт боюнча активисттер вице-мэр Жамалбек Ырсалиевдин "Биринчи радионун" эфиринде ипподромду көчүрүп, ордуна футбол талаасын куруу маселеси каралып жатканын айтканын билдиришип, мындай чечимге каршы болушууда.

"Ак-Куладагы" жыйын. 2021-жылдын 17-февралы.
"Ак-Куладагы" жыйын. 2021-жылдын 17-февралы.


Жыйынга Бишкек шаарынын вице-мэри Русланбек Акылбеков катышып, мэриянын пландары жана көз карашу тууралуу маалымат берүүдө.

"Ак-Кула" ат майданы бир нече жылга созулган соттук териштирүүлөрдөн кийин 2020-жылдын сентябрь айында Бишкек шаар башкармалыгынын карамагына өткөн.

"Ак-Кула" ат майданы. 2021-жылдын 17-февралы.
"Ак-Кула" ат майданы. 2021-жылдын 17-февралы.

«Ак-Кулага» караштуу жерлер 1996-2005-жылдарда менчикке сатылып кеткен. Бул ишти Бишкектин Ленин райондук прокуратурасы 2011-жылы иликтей баштап, «жер мыйзамсыз сатылган» деген негизде аны мамлекетке кайтаруу үчүн сотко кайрылган. Узакка созулган соттук териштирүүлөрдөн кийин райондук жана шаардык сот прокуратуранын доосун канааттандырган.

«Ак-Кула» ат майданы Бишкек шаарында жайгашкан. Аянты 57,4 гектар, 3000 орундуу. Шаардык бийлик ат майдандын 54,94 гектар жери шаардын балансына кайтарылганын, калган жер тилкелери боюнча соттук териштирүү жүрүп жатканын билдирди.

Ипподромдо улуттук оюндардын түрлөрү боюнча мелдештер өтүп турат. (GT/BCh)

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG