Линктер

ЧУКУЛ КАБАР!
4-Август, 2021 шаршемби, Бишкек убактысы 22:12

Өзүн "УКМК кызматкеримин" деп элди алдап жүргөн адам кармалды


Кылмышка шектүүнүн телефонунан табылган сүрөт

Ысык-Көл облусунун 1994-жылы төрөлгөн тургуну өзүн "Улуттук коопсуздук боюнча мамлекеттик кызматында иштейм" деп тааныштырып, жасалма документтер менен жүргөнү аныкталды.

Бул тууралуу УКМКнын басма сөз кызматы 17-февралда билдирүү таратты.

Кармалган жаранга Жазык кодексинин 359-беренесинин 2-бөлүмү ("Документтерди жасалмалоо") боюнча сотко чейинки териштирүү иши ачылды.

Өзүн атайын кызматтын өкүлүмүн деп тааныштырган жаран кылмыштуу топтун мүчөлөрү менен бирге иштеп, торуна түшкөндөрдү "ири компанияларга жумушка орноштуруп берем" деп алдап жүргөн.

Тергөө маалында жабырлануучулардан ири суммадагы каражат алынганы аныкталды. Алдамчылыкка шектелип жаткан жарандын машинесин тинтүү маалында Жогорку Кеңештин Аппаратынын кызматкеринин күбөлүктөрү, парламенттин имаратына кирүүчү документ, машиналардын эки жасалма номуру, визиттик карточка, Жогорку Кеңештин мөөрү жана уюлдук телефонунан УКМК кызматкеринин формасын кийген сүрөттөрү табылды.

Чогулган материалдардын негизинде соттук-медициналык экспертиза дайындалып, анын жыйынтыгына юридикалык баа берилип, тергөө иштери уланууда.

УКМК шектүүдөн жабыркагандар болсо Ысык-Көл облустук УКМК башкармалыгына же болбосо Бишкектеги УКМКнын нөөмөт кызматына кайрылышы керек. (BCh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG