Линктер

ЧУКУЛ КАБАР!
23-Сентябрь, 2021 бейшемби, Бишкек убактысы 15:56

"Калашников" мурунку союздук өлкөлөргө курал сатууну көбөйтөт


АК-74 автоматынын көргөзмөсүндөгү мектеп окуучулары. Орусия (архивдик сүрөт).

"Калашников" концерни мурдагы союздун өлкөлөрүнө жаңы автоматтарды сатат. Концерндин жетекчиси Дмитрий Тарасов бул өлкөлөр жаңыртылган автоматтарды сатып алууга кызыкдар экенин айтты. Ал Бириккен Араб Эмираттарында өткөн курал-жарак көргөзмөсүндө журналисттерге:

"Аларда союздан калган курал-жарактар бар. Бирок алардын баары эскирди. Ошондуктан, ал өлкөлөрдүн армиясын жаңы куралдар менен жабдуу зарылчылыгы бар", деп билдирди.

Тарасовдун сөзүнө караганда учурда АК-12 үлгүсүндөгү автомат сатып алууга кызыкдарлыгын Армения, Беларус жана Казакстан билдиришкен.

Былтыр жайында Арменияда АК-103 үлгүсүндөгү автомат чогултула башталганы кабарланган.

"Калашников" концерни көзгө атарлардан тартып, автомат, замбирекке чейинки аскердик курал-жарактарды өндүрөт. Мындан тышкары концерн мергенчилик, спорттук винтовкаларды, мотоциклдерди да сатат.

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG